Parera, Corsou: Dialuna den oranan di atardi, Centro di Rescate y Coordinacion di Warda Costa a ricibi un mayday call’, esaki tabata riba canal VHF 16.
E capitan di e boto di piscado Father Gomez a indica cu nnan boto tabata sink. Mesora e Cento di Rescate a lansa e helicopter di Warda Costa pa localisa e boto.
E tripulacion tabata consisti di 4 hende homber tur tabata local. Nan tabata rumbo pa Aves na momento cu nan boto a cuminsa sink bay bou di awa. Na e momento ey nan tabata na altura di e parti nort di Klein Curaçao.
Ora e helicopter a yega na e localidad indica, e tripulante a mira solamente e cabes di e boto den awa. Tambe despues di un rato nan a bin topa cu e cuater personanan mas o menos un kilometer leu for di e boto.
Tur cuater tabata tin nan chaleco di salba bida bisit y despues cu e helicopter a logra sacanan for di awa, nan tur por a regresa nan cas sano y salvo.
