Home » Rocco Tjon: Crisis constitucional a inicia na momento cu Mike Eman a haya un KB pa ondeugdelijk bestuur (KB nr. 20467).

Rocco Tjon: Crisis constitucional a inicia na momento cu Mike Eman a haya un KB pa ondeugdelijk bestuur (KB nr. 20467).

by Admin
0 comment 50 views

Ayera reunionnan a inicia den Parlamento pa controla con Gobierno ta ehecuta presupuesto 2019. Esaki pa evita cu na final di aña Parlamento wordo confronta cu tin mester di aloca fondo adicional, manera tawata e custumber den Gobierno anterior. Partido AVP no a asisti e reunion aki y a escohe pa laga Mike Eman den prensa insinua cu tin un crisis constitucional aworaki.

NACEMENTO DI CRISIS CONSTITUCIONAL
Den e Koninklijk Besluit number 20467, cu Gobierno di Reino a duna sr. Mike Eman pa “ondeugdelijk bestuur”, por lesa cu pa e motibo cu a hiba un mal maneho financiero, caminda presupuestonan tawata conoce cifranan irrealistico, Hulanda a interveni. Atraves di e protocol cu sr. Mike Eman a firma na 2015 y e ley di LAFT cu solamente Parlamentarionan di AVP a vota na su fabor, e organo di supervision CAFT a wordo institui contra nos constitucion.

Adicional por lesa den e conseho di Raad van Advies numero RvA 109/15, conseho riba e concepto di ley cu Mike Eman a entrega na Parlamento na 2015, cu Raad van Advies ta indica cu e concepto di ley ta empugna cu nos constitucion.

RAPPORT NAN DI CAFT
Pa e motibo cu CAFT no a emiti nan rapport ainda riba e “uitvoeringsrapportage” di Gobierno lo tin un crisis constitucional segun Mike Eman. Ta importante pa mustra cu e “uitvoeringsrapportage” ta wordo concipia cu cifranan real y ta wordo traha door di e departamentonan gubernamental.

Na 2014 y 2015 CAFT a señala cu Mike Eman a traha presupuestonan irrealistico a base di cifranan ficticio. Ki balor Parlamentarionan di AVP a duna na e rapport aki di CAFT? Na 2016 y 2017 Mike Eman a traha su presupuesto basa riba apertura di CITGO, dos presupuesto irrealistico. Ki balor Parlamentarionan di AVP a duna na e rapportnan aki?

PA CONCLUI
Te hasta conseho Huridico di sr. dr. Rycond do Nascimento, cu nos a yega di publica, ta indica cu Mike Eman su ley na 2015 a crea crisis constitucional. Realidad ta cu e maneho di Mike Eman a crea un crisis social, financiero y economico. Y pa purba tapa e realidad aki e a crea un crisis constitucional na 2014/2015.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio