Westpunt/Lighthouse – Diamars merdia por a mira masha hopi polis cu sirena bayendo direccion Lighthouse y area.
E motibo tawata cu Central di Polis probablemente a haya varios yamada cu nan lo a mira e resto di ilegalnan cu a yega marduga. Informacion no oficial ta papia di cuatro homber y dos muhe.
Esaki a pone polisnan bira di cabes y sali na caravana direccion area di Lighthouse.
A usa Helicopter y varios unidad di Motor Unit y di Trafico, pa rondia.
Pero despues di basta rato busca, y para diferente vehiculo segun nos a compronde te hasta Turista no a bin haya nada.
Pues no ta keda autoridad nada otro pa keda tira bista den e area, si pa suerte lo por bin topa e resto di grupo di ilegal cu a subi tera marduga na Arashi.
Algun dia atras a haya un boto procedente di Las Piedras kibra na Dos Playa, a bin haya vest y tankinan tambe ariba beach.
Aki tampoco tin un bista real di cuanto ilegal a subi tera, pa motibo cu e sea e Radar tawata paga of no a capta e boto na Dos Playa.