Home » Dr. van den Broek di Hulanda hunto cu dr. Yuri Casseres ta logra exitosamente Prome “kijkoperatie” di pulmon na Aruba 

Dr. van den Broek di Hulanda hunto cu dr. Yuri Casseres ta logra exitosamente Prome “kijkoperatie” di pulmon na Aruba 

by Admin
0 comment 93 views

 

 

Pa prome biaha na Aruba a tuma luga recientemente un operacion special di pulmon pa medio di un “kijkoperatie”. Un momento grandi den mundo medico na Aruba unda un specialista di Hulanda a bin akinan specialmente pa haci esaki.

E ciruhano specialisa dr. Van den Broek compania pa nos ciruhano local dr. Casseres a haci 3 operacion durante su estadia na Aruba cu hasta na Hulanda ta basta ‘unico’ y no ta sosode mucho. 

 

Normal ta habri e thorax pa asina por ehecuta e operacion, pero awo via 4 corta chikito por bay cu un camara paden di e curpa y den e caso aki, kita un pida di e pulmon, asina Dr. Yuri Casseres, Ciruhano General na hospital, a duna di conoce. E di dos operacion tabata di un pashent cu tabatin un tumor net tras di su weso na e pecho; normalmente tambe mester habri pida grandi di e pecho pa sak’e. Awor via e ‘kijkoperatie’ por a haci esaki via corta chikito y saca e tumor.

 

Probechando bishita di e specialista, a opera un otro pashent cu un tumor basta grandi na pulmon cu tabata pega na su ribchinan. E operacion ta uno grandi y normalmente lo a manda e pashent afo, pero e dokter aki tabata na Aruba y tin experiencia den esaki. Pues a logra opera e pashent sin complicacion. E 3 tipo di operacionnan aki nunca por a haci via e metodo aki na Aruba prome y dr. Casseres ta orguyoso y hopi agradecido cu tur cos a bay bon cu e pashentnan.

 

“Pa nos mes e ta un conocemento mas, pues un experiencia mas”, dr. Y. Casseres a duna di conoce. Pa por haci esaki mester tin basta experiencia y esaki ta algo nobo pa Aruba. Asina tambe dokternan local por siña tipo di operacionnan aki di e dokternan di afo. E cooperacion cu e dokter di afo a bay asina bon, cu na luga di manda pashent afo, ta planeando cu den futuro e dokter por bin mas biaha pa asina por opera aki mes. 

 

Esaki lo baha e gasto hopi ya cu no mester manda pashent afo por ehempel pa Colombia unda nan compania pa famia lo mester keda un par di siman. Pa trece dokter Aruba ta sali mucho menos y ademas, e recuperacion ta hopi mas lihe door di e corta chikito y e pashent ta mas trankil y comodo riba su isla den su propio cas unda sernan keri por asisti den e rehabilitacion.

 

E cooperacion entre Aruba y Hulanda pa dr. Frank van den Broek, ciruhano di pulmon y ciruhano oncologo di Maxima Medisch Centrum a bay hopi bon. Esaki ta su di 4 biaha di bishita na Aruba. No solamente ela core stage durante su estudio na nos Hospital, ela hasi tambe un parti di su estudio na Aruba, pues e tin experiencia caba cu nos isla y conoce algun di nos specialistanan cu e tin contact cu nan regularmente. Asina a mantene contactnan y awo cu tabatin algun caso cu tabata rekeri cierto experiencia extraordinario, a opta mesora pa bin reenforsa. 

Dr. van den Broek a duna di conoce cu e setting na Aruba tabata mescos cu na Hulanda; un bon team di nurse y otro colega na sala di operacion y e hermentnan necesario pa opera. Na e manera aki por traha den bon “teamwork” y por logra hopi.

E kijkoperatie aki ta un logro grandi cu nos por ta hopi orguyoso di dje. 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio