Home Police Arashi tawata na beurt: Varios ilegal a subi tera, autoridad a logra...

Arashi tawata na beurt: Varios ilegal a subi tera, autoridad a logra pone man ariba tres

SHARE

Arashi – Diamars marduga algo pasa di mey anochi Kustwacht a capta un señal. Mesora e personal di Kustwacht a activa y a subi lama.

Na tera a avisa polisnan y unda posiblemente e boto aki lo por a baha un grupo di ilegal.

Esaki a sosode den e area di Arashi, no mucho leu di e area residencial.

Ariba lama Kustwacht lo a intercepta e boto y a bay over na detene e Capitan y un posibel ayudante. Nan lo wordo trata bou di e ley di Mensenhandel/Mensensmokkel.

Unidadnan policial ariba a logra haya tres persona y a detenenan mesora. Mas cu claro e boto no ta sali di Venezuela pa trece solamente tres hende.

Pues autoridad no tin un bista cla di cuanto hende a logra scapa. Manera ta sosode y semper ta bisa, no sa tampoco cu kiko tur nan ta trece cu nan manera arma, droga, animalnan etc etc.

No ta prome biaha cu ilegalnan sa baha na Arashi, den pasado nan a drenta via Arashi y nunca a logra garanan.

Por bisa cu full rond e isla nan a yega di subi tera.

Diamars marduga autoridad tawata tin e suerte di a gara tres y ariba lama detene e Capitan y su ayudante.