Diabierna atardi Leedha Harms ta e prome hende cu a bin registra pa su mama Danielle Harms Lancel pa asina su mama no keda sin participa na e 6K Fun Walk and Run di Brazil Taekwondo Stichting. Sra. Harms a haña number 108 cu ta number di e canado nan. Durante di e anochi e hendenan cu a bin registra tabata drenta y sali.
Empleada di Setar a bin registra su grupo di 6, despues di un rato e canado nan di Trill Walkers tambe a bin registra nan grupo. Diana Briesen di Arubus tambe a bin registra su yiu homber Jeffrey. Asina e anochi a bay unda cu hopi hende a bin registra nan mes y nan team nan.
Directora di Santa Rosa Natalie Maduro a tende di e caminata y a bin registra su yiu muhe Alina Kock pa asina e no keda afo.
Abo cu no a registra ainda por haci esaki diabierna dia 22 di Augustus na Centro di Bario Brazil entre 5’or di atardi pa 9’or di anochi y bo lo haña bo T-Shirt cu su number ariba dje. Hopi a gusta e idea di e T-Shirt di e 6K Fun Walk and Run di Brazil Taekwondo Stichting y cu 10 florin extra nan por pone bo nomber riba dje.
