Home » Parlamentario Howell kier sa ki dia prome piedra lo bin y ki dia lo cuminsa cu e info desk pa trabou

Parlamentario Howell kier sa ki dia prome piedra lo bin y ki dia lo cuminsa cu e info desk pa trabou

by Admin
0 comment 46 views

Parlamentario Alan Howell comentando riba construccion di hotel na San Nicolas a bisa cu lo bay haci preguntanan na Minister Otmar Oduber, entre cual ki dia especificamente lo bay pone e prome piedra, pasobra un gran parti di hendenan na Aruba y pariba di brug ta den expectativa pa e hotel aki.

Tambe e ta interesa pa sa con lihe ta pensa di traha e hotel aki y den cuanto fase. Igualmente el lo desea di sa con e proyecto aki lo contribui na desaroyo di infrastructura general di pariba di nos isla.
El a expresa cu Fraccion di POR ta para 100% tras di e hotel na San Nicolas y pesey mes nan no kier pa e fria y ta desea di haya sa ki dia lo bay pone e prome piedra.

Igualmente Howell a indica cu lo bay manda tambe diferente pregunta pa Minister Glenbert Croes relaciona cu e aspecto laboral pa loke ta e desaroyo aki. E fraccion blauw den Parlamento lo desea di haya sa ki dia lo bin cu un help desk of info desk caminda ciudadanonan, specialmente esnan di pariba di brug por busca informacion of por cuminsa prepara nan carta pa solicita den e diferente nivelnan cu lo habri cu e hotel nobo. Igualmente lo desea di sa cuanto cupo di trabou e proyecto aki lo genenera pa nos pueblo.

Alan Howell a pidi tur partido y politico pa no bay haci wega cu e desaroyo nobo, pa por fabor wak pa dilanti, pa wak bienestar di Pais Aruba. “Mester mehora economia di nos pais, tur hende sa cu no por depende mucho mas riba Citgo, e situacion den cual Citgo ta na e momentonan aki ta peor cu un garoti kibra y pa fortalece nos economia esaki ta e momento pa despues di 60 aña cu e prome hotel grandi a bin na nos isla, cu San Nicolas por haya su fair share y San Nicolas merece tambe un hotel di 5 strea”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio