Home Politics Parlamentario Endy Croes ta felicita Nelson Oduber kende awe lo haya un...

Parlamentario Endy Croes ta felicita Nelson Oduber kende awe lo haya un Avenida dedica na su nomber

SHARE

Parlamentario Endy Croes ta manda palabra di felicitacion na Nelson Oduber, esposa y henter famia pa cu Avenida Nelson Orlando Oduber cual lo wordo desvela awe. Plan Sasaki ta entre otro un Plan cu a inicia hustamente bou di diputado Nel Oduber.

Awe Gobierno di Aruba atrabes di Minister di Infrastructura Otmar Oduber den nomber di gobierno lo desvela Avenida Nelson Orlando Oduber cual anteriormente tabata yama Sasakiweg. Nelson Oduber a sirbi e pueblo aki pa 36 aña den politica y pa 25 aña tabata Lider di e partido prestigioso esta partido MEP, e partido cu a lucha y logra nos Status Aparte. Nelson Oduber a pasa den tur etapa di e lucha semper na man drechi di Betico Croes pa cu e logro di Status Aparte.

Nelson Oduber a sirbi Aruba na 4 ocasion como Promer Minister banda di tabata Diputado, miembro di Parlamento etc etc. Un Politico Integro di trayectoria impresionante cual awe ta wordo reconoci. Bunita ta momento bo wordo reconoci na bida y bo tin e oportunidad di mira e aprecio pa bo trabou y dedicacion di hopi aña na pueblo wordo balora, reconoci y recompensa.

Parlamentario Endy Croes ta manda un felicitacion extenso pa Nelson Oduber, su esposa Glenda Oduber su yiunan Glenson, Danqui y Nelson Jr, su 4 nieto y nietanan, nan esposa, rumannan di Nel, henter famia y henter pueblo di Aruba kendenan tin un admiracion special pa e politico di Siribana, Sta Cruz. Pabien Nelson Oduber y danki pa bo contribucion masha grandi na nos pais Aruba. Merecidamente e reconocimento aki di Gobierno di Aruba.