Home » Parlamentario Endy Croes: Gobierno a score un 10 Plus ! “Exploitatieresultaat cu un saldo di 60.1 MIYON Surplus den mitar aña”

Parlamentario Endy Croes: Gobierno a score un 10 Plus ! “Exploitatieresultaat cu un saldo di 60.1 MIYON Surplus den mitar aña”

by Admin
0 comment 47 views

Parlamentario Endy Croes ta felicita gobierno di Aruba. Tanto Minister di Finansas Xiomara Ruiz Maduro como Minister Presidente Evelyn Wever Croes cu e resultado di e promer mitar aña pa locual ta trata e maneho financiero di pais Aruba.

Manera ta conoci cu e Coalicion aki a pasa un mocion desde 2018 unda cu Parlamento a haci un compromiso cu lo bay controla gobierno mas severo na mitar di aña pa cu su entrada y gastonan. Uitvoeringsrapportage tweede kwartaal a drenta Parlamento siman pasa cu realisatie cijfers, esta cifranan di realisacion di entrada y gastonan di 1 di januari pa 30 di juni 2019.

Locual ta di aprecia segun Parlamentario Endy Croes, cu gobierno su maneho financiero ta ON THE DOT! Di acuerdo cu presupuesto 2019 aproba na december 2018 entrada total di gobierno lo mester alcansa 1.422.620.500 esta 1.4 Biyon florin. Pues den promer 6 luna lo ta ideal cu 50% esta mitar di esaki lo wordo alcansa. Cifranan di realisacion di acuerdo cu e rapport a duna un suma di 728.981.884 Miyon na entrada. Esaki ta representa 51.2% di e total es decir cu nos ta coriendo dilanti pa cu e presupuesto na entrada cual ta un indicacion hopi saludabel. Nunca antes y bou di AVP sigur cu No.

Gran mayoria di e entradanan aki a bini mediante directe y indirecte belastingen. Notabel ta cu entrada di gobierno riba gedestilleerd (alcohol) den comparacion cu mesun temporada 2018-2019 a conoce un aumento di Afl. 10.758.734,- pa Afl. 15.631.319,- esta un aumento di Afl. 4.8 miyon.

Parlamentario Croes a sigui splica cu ora mira e gastonan di gobierno esaki ta como lo siguiente: Gastonan total ta presupuesta na 1.427.034.100 (1.4 Biyon). Gastonan realisa den e promer 6 lunanan di 2019 ta Afl. 668.855.451,- y esaki ta igual na 46.9%. Esaki ta bisa nos cu gobierno su gastonan no a alcansa 50% y ta totalmente den margen pa cu presupuesto. Pa 30 di juni 2019 tin un Surplus di 60.1 miyon di exploitatie resultaat como saldo. Esaki nunca antes tabata posibel mientras e bandidonan di AVP tabata na poder. Cifranan di e promer 6 lunanan ta hopi alentador.

Poco poco pero sigur e gobierno aki ta haciendo e milagernan necesario pa corigi e erornan grave di gobierno anterior. Cu pasenshi y perseverancia Aruba ta riba e bon caminda cu un Team na timon pa rescata e pais aki, Croes ta termina bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio