Home Police Nissan March a dal contra un palo di luz ariba Sasaki

Nissan March a dal contra un palo di luz ariba Sasaki

SHARE

Sasaki – Dialuna marduga den careda di 1:30 informacion a drenta cu auto lo a ranca un palo di luz ariba Sasaki. Algo cu ta pasa cu frecuencia.

Mesora polis a sali pa e sitio. Na yegada a topa cu un Nissan March, cu lo a dal contra un palo di luz kibrando e parti ariba. E parti ariba a keda benta ariba caminda.

Polisnan a avisa Elmar pa kita e parti cu a keda benta abou.

Na e sitio aparentemente polis no a topa cu e chauffeur, pero despues di un rato parse cu e doño di e auto mes a presenta.

Takelwagen a presenta pa a bay cu e auto. No tawata tin hende herida.