Home » Caso di hit and run ariba Caya Betico Croes, señora a wordo gedal pa un auto

Caso di hit and run ariba Caya Betico Croes, señora a wordo gedal pa un auto

by Admin
0 comment 60 views

Caya G.F.Betico Croes – Diadomingo anochi den careda di 7:45 p.m polis y ambulance a wordo dirigi altura di Tarabana Supermarket. Eynan auto lo a dal un persona.

Na yegada di polis nan a topa un señora, ela bira victima di un caso aparentemente di hit and run. Esaki a sosode momento cu ela bay crusa pa bay e supermercado.

E señora lo a ricibi sla na pia y cabes, mientras cu e auto cu a comete e acto a bandona e sitio.

Polis a bay e supermercado pa mira si nan por a capta algo ariba Camera di seguridad, pero parse cu sea e no ta trahando of no tin mes.

Na yegada di Ambulance mesora Paramediconan a cuminsa atende e señora.

Segun un familiar di e señora, elo a haya golpi na su pia robes y door di e impacto ora ela cay elo a dal su cabes. Con serio e heridanan ta no ta conoci.

Un otro compania cu tin Camera di seguridad trahando ta cera y posiblemente polis lo acercanan mañan durante dia.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio