Diahuebs ultimo a reuni cu Minister di Husitica. E reunion aki a wordo yama door di presidente di e comision fiho di asuntonan hudicial di Parlamento, sr. Tjon. A trata tres punto cual tawata 1) Situacion di K.I.A. 2) Reorganisacion di departamentonan den Husticia 3) Desaroyonan actual den Husticia
SITUACION NA KIA
Minister di Husticia a duna di conoce cu riba termino largo a inicia e proceso pa yega na un Institucion Coreccional nobo y duradero. Na mes momento den nomber di e comision a puntra Minister pa entrega Parlamento un nota den cual ta stipula pasonan concreto con lo evita cu den futuro huidanan lo tuma lugar for di nos instituto coreccional.
Ta desea pa haya e plan aki otro siman na momento cu Parlamento trata ehecucion di presupuesto 2019. Esaki pa si ta necesario aloca fondo adicional pa K.I.A. pa asina por garantisa seguridad den e instituto.
REORGANISACIONNAN ANDANDO
E structura di un organisacion ta di vital importancia pa su funcionamento. P’esey nos a pone pa haya un “update” di e reorganisacionnan di K.I.A., Immigracion, K.P.A., C.E.A y G.N.C.
Pa loke ta e reorganisacion di K.I.A. Minister a duna di conoce cu esaki lo ser formalisa otro siman den conseho di minister. Esun di C.E.A., Immigracion y K.P.A. lo termina y wordo formalisa prome cu fin di aña. Pa loke ta G.N.C., mirando cu e reorganisacion aki a wordo inicia mas despues cu e otronan, ta premira cu esaki no lo keda cla e aña aki, pero mas bien na comienso di 2020.
PA CONCLUI
Desaroyonan dentro di Husticia tin nos atencion. P’esey ta invita un y tur pa sintonisa e reunionnan publico dialuna y diamars benidero den cual lo atende entre otro cu e situacion na K.I.A. Fraccion di MEP ta dispuesto pa coopera cu Minister di Husticia pa aloca recursonan necesario pa entre otro K.I.A. pa asina garantisa seguridad pa nos comunidad y personal di K.I.A. Nos ta keda en espera di e nota di Minister pa haci e cambionan necesario.