Oranjestad – Diadomingo mainta pa mas o menos 8:16 a.m polis a informa cu e dama cu a overdose diasabra atardi a fayece e mesun anochi.
Manera nos a trece den noticia diasabra atardi, polis, ambulance y brandweer a drenta den accion pa un persona cu lo no tawata duna señal di bida.
Na yegada Paramediconan a logra rebiba e dama y den estado critico a sali cune direccion Hospital.
Loke Cuerpo Policial a informa:
“Diasabra atardi pa 5:27 central di polis ta wordo notifica cu un dama lo mester a bira malo y sak den otro den un edificio bandona den Elleboogstraat.
A manda unidad di polis y tambe ambulance . Brandweer tambe a presenta pa asina brinda asistencia.
A logra stabilisa e señora y a bay cune cu maximo urgencia hospital.
Den oranab di anochi central di polis ta wordo informa cu pa 9:47 e dama a fayece . Ta trata di D.H.R. naci na Aruba 1 februari 1984. Ta trata di un morto no natural. Recherche a wordo poni na altura pa asina haci nan investigacion.
Departamento di slachtofferhulp a presenta pa asina asisti e famia .
Nos di Cuerpo Policial ta manda palabra di condolencia na famia di e fayecido”.