Home Politics Avenida Nelson Orlando Oduber: Reconocemento na un gran politico y gobernante Arubano...

Avenida Nelson Orlando Oduber: Reconocemento na un gran politico y gobernante Arubano (parti 3)

SHARE

Relaciona cu e homenahe y reconocemento na Nelson Orlando Oduber dialuna tardi, partido MEP ta presenta siguientemente algun di e logronan di mas importante ehecuta door di e gobernante aki y cual logronan tabatin un impacto sumamente positivo pa henter comunidad.

Nel como Minister Presidente (1989-1994, 2001-2009)

Despues di e eleccion di 6 di januari 1989 Nel a bira e di dos Minister Presidente di pais Aruba. Despues di e eleccion di 8 di januari 1993, Nel pa di dos bes a bira Minister Presidente y despues di e eleccion dia 28 september 2001 Nel pa di 3 bes a asumi e encargo di Minister Presidente y pa promer biaha desde Status Aparte Nel a guia un gobierno cu a wordo sosteni door di un solo partido. Esaki tambe tabata e caso den e eleccion di 23 september 2005 cu e resultado cu Nel pa di cuater bes a asumi e encargo di Minister Presidente:

Como Minister Presidente Nel a percura pa logronan grandi pa Aruba, manera entre otro:

A firma un contract cu Coastal Corporation pa reapertura di e refineria cu un inversion di mas cu 250 miyon dollar y un Delay Coker di mas cu 250 miyon dollar. 
A convence Hulanda pa saca e fecha di independencia di Aruba for di den Statuut, unda nos pueblo di Aruba ta mantene e derecho di auto-determinacion, esta e derecho pa bira independiente dia nos pueblo ta desea esaki.
A firma un TIEA (Tax Information Exchange Agreement) cu Minister di Finansas John Snow di Merca pa intercambio di informacion tocante belasting.
A firma cu “SACE” na Italia un acuerdo, unda a trece un solucion den e problema di garantianan hotelero. Un debe di $ 206 miyon a ser reduci te na $ 110 miyon.
A firma contract pa compra di e compania di electricidad ELMAR. 
A percura pa independisa companianan estatal cu ta keda 100% den man di pueblo: WEB N.V., Setar N.V., Elmar N.V. y Compania Arubano di Petroleo (C.A.P.) N.V. 
A firma hunto cu e Secretario di Homeland Security, sr. Michael Chertoff e acuerdo di Customs Pre Clearance pa avionnan priva. 
A firma hunto cu Secretario di Estado pa Asuntonan di Reino, Ank Bijleveld-Schouten, e acuerdo unda 250 miyon florin di Plant N.V. ta pasa pa Aruba.
A percura pa realiza e prome hotel di 5 strea na Aruba, esta Ritz Carlton y esaki pa mehora e producto turistico.
A percura pa Aruba haya su prome parke di 10 Molina di biento na Vader Piet.

Honestidad y Integridad

Durante su trayectoria impresionante den politica Nel semper a resalta como un lider cu pueblo Arubano por a depende riba dje, un homber corecto, humilde y honesto, un lider integro, un gobernante y lider ehemplar. 

Nel ta un tata di famia cu ta stima su famia y particularmente su casa Glenda, su yiunan, nan esposanan, nieta y nietonan y su rumannan. Nan siguramente a base di nan sosten y comprension a yuda Nel yega caminda cu el a yega den politica y esaki pa 36 aña largo. 

Na augustus 2011 sr. Nelson Oduber a retira for di politica activo. Sinembargo unda cu mester Nel ta sigui duna su contribucion, ayudo y experencia na bienestar di pueblo.