Home Police Sin ningun hende sa: Boto di Venezuela a yega Dos Playa marduga

Sin ningun hende sa: Boto di Venezuela a yega Dos Playa marduga

SHARE

Dos Playa – Diabierna durante dia autoridad a haya informacion cu un boto cu ilegal lo a drenta durante oranan di marduga.

Esaki lo a sosode altura di Dos Playa.

Mesora un grupo di departamentonan concerni manera Kustwacht a bay Dos Playa.

Na e sitio nan a haya restonan di un boto, debi cu esaki a wordo kibra contra e barancanan. Ariba un pida palo di e boto tawata scirbi Las Piedras.

Ariba e beach a haya tanki, lifevests y mas cos.

Niun hende sa ki ora esaki a sosode. Algun di esnan na e sitio ta pensa cu nan lo no a logra subi tera, mientras otronan si ta pensa cu e hendenan aki a subi tera.

Helicopter a bula rond den e area, pa mira si por localisa hende pero esaki tawata negativo.

E pregunta cardinal ta, con ningun hende a capta e boto aki ariba radar.

Manera semper, den mayoria caso anto entradanan clandestino manera esaki bo no sa kiko nan ta trece cu nan, mucho menos pa sa ken nan tur a subi tera.