Home Politics Rocco Tjon:  un palabra di felicitacion na tur polis y “burger personeel”...

Rocco Tjon:  un palabra di felicitacion na tur polis y “burger personeel” di KPA

SHARE

Awe Cuerpo Policial Aruba ta celebra su di 33 aniversario. Un cuerpo cu no ta bay door di su mihor temponan, pero apesar di esaki e coleganan sa di brinda seguridad na nos pueblo. Tin hopi reto cu como organisacion Cuerpo Policial lo mester sa di surpasa y cu union esaki lo ta posibel. 

 

E trabou cu nos polisnan ta eherce no ta facil. Nan ta wordo scrutina door di criticonan honesto pero tambe door di esnan cu no tin e bienestar di e organisacion na pecho. Y esaki ta trece un peso extra cune pa nos coleganan.

 

No obstante esaki cuerpo policial como organisacion, danki na tur esnan cu ta labora den Cuerpo Policial, ta traha duro pa brinda seguridad.

 

Mi ta felicita tur mi coleganan (once a cop, always a cop), riba nan dia y desea nan hopi exito den nan carera. Mi ta hopi orguyoso di a forma parti di e organisacion aki pa hopi aña. E coleganan a siñami hopi y e lesnan aki sigur a yudami den mi carera. Mi lo keda semper agradecido na Cuerpo Policial pa tur e experencia nan bunita y menos bunita.

 

Coleganan be safe