Home Local Pareha Chef Internacional; Karime Lopez & Taka Kondo, a presenta un experencia...

Pareha Chef Internacional; Karime Lopez & Taka Kondo, a presenta un experencia culinario a nivel Michelin star, inspira pa nan biahe nan di mas memorabel rond di mundo. 

SHARE

 

 

 

 

 

PALM BEACH, ARUBA – August 2019 – Riba diabierna, 9 di augustus y diasabra, 10 di augustus na La Vista situa na Aruba Marriott Resort & Stellaris Casino, a tuma lugar un evento di nivel “Michelin star” di dos anochi cu tabata completamente sold out, presenta pa Massimo Bottura su top chefnan; Karime Lopez and Taka Kondo.  

 

E anochi a cuminsa cu un caluroso bon bini pa Teddy Bouroncle, Director di Food & Beverage Operations, sigi pa un experencia culinario memorable, cual a consisti di un menu di seis plato estilo Author’s Cuisine, mas un “palate cleanser” crea di cherries fresco piki pa e chef nan na Modena, Italia, como tambe un sorpresa di despedida. E menu a wordo inspira pa Karime cu Taka nan biahenan di mas memorabel rond di mundo. Pepia Est a combina e entradanan cu algun di su miho biñanan pa asina realsa e sabor di cada plato. 

 

Chef Karime López ta head chef di Massimo Bottura na Gucci Osteria situa na Florence, Italia, y a wordo honra recientemente pa S.Pellegrino and Acqua Panna como e “Best Chef” di e “Identity Golose Guide 2019”. E la nace na Mexico y a wordo introduci na e mundo culinario di jong pa famianan di su tata cu tin restaurantnan na Mexico. Karime López a traha na varios restaurant renombra rond di mundo manera Can Fabes, Mugaritz, Pujol, RyuGin y Central. 

 

Chef Taka Kondo ta sous chef di Massimo Bottura na Bottura su “three Michelin star” restaurant cu jama Osteria Francescana na Modena, Italia, cual a wordo nombra e #1 restaurant na mundo na 2018 pa S.Pellegrino and Acqua Panna. E la nace na Tokyo y e la enamora di Osteria Francescana durante su bishita na e restaurant na 2015, a cambio, e chef famoso Massimo Bottura a dune un trabou. Taka Kondo a traha como pastry chef na 2010, despues na 2015 e la wordo promovi pa Sous Chef y a contribui na algun di e restaurant su platonan mas inventivo, manera esun cu jama “Oops, I dropped the lemon tart”.

 

La Vista a wordo transforma pa un restaurant “fine dining” cu un ambiente elegante y intimo pa e evento di dos anochi special aki. Alaves e staff a hasi nan maximo esfuerso pa asina sigura cu e evento ta uno exitoso, haciendo esaki un prome edicion di Master series sumamente memorabel. 

 

Un tiki mas di Aruba Marriott Resort & Stellaris Casino:

Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.