Nominadonan di “Golden Glove”, premio pa miho portero di Division Honor

E premio pa e mihor portero di Division Honor pa e campeonato 2018-2019 lo wordo otorga dia 25 di Augustus benidero durante e evenemento di Ballon D’Or 2019 na Ballroom di Marriott hotel.

Pa yega na dicidi ken ta e finalistanan pa e “Golden Glove”, primordialmente nos di FutbolAruba mester a atende tur wega y mira tur minuut den henter e campeonato regular y playoffs.

A tuma nota di tur locual e porteronan a hasi den nan partidonan, a aplica cierto metodonan, a formula un matrix cu ta indica no solamente clean sheets, pero tambe total di minuut hunga, “factored in” cu gol permiti pa wega, sacando gol permiti cada tanto minuut y otronan.

Asina mes nos a aplica otro variabel nan tambe mane; con bon un defensa ta dilanti di un portero, por ehempel; tin portero ta hunga cu un defensa solido y otro tin cu traha dobbel mas duro hungando cu un defensa menos bon, of portero cu ta wanta penalti etc.

Ademas di estadisticanan, finalmente tambe e tema a wordo discuti un biaha mas den un panel mas grandi di FutbolAruba pa ratifica y determina ken lo gana e “Golden Glove” pa 2018-2019.

Den e dos prome edision nan di e premio “Golden Glove” ta Lionel Kaarsbaan, actual portero di SV Dakota, a bai cu premionan ey tur dos anja.

E finalistanan e anja aki ta:

E hoben portero di e “Uptown Boys” di Brazil Juniors, Marvin Irausquin

E veterano di mil bataya di e “Abehanan” di Dakota, Eric Abdul