Home » Avenida Nelson Orlando Oduber: Reconocemento na un gran politico y gobernante Arubano         (parti 2)

Avenida Nelson Orlando Oduber: Reconocemento na un gran politico y gobernante Arubano         (parti 2)

by Admin
0 comment 52 views

 

 

E trayectoria politico di Nelson Oduber tabata impresionante, ya cu como lider el a logra tene MEP grandi y nunca e partido a yega di baha bao di 8 asiento. Sin duda cu esaki ta un logro historico den Reino Hulandes.

 

Nel como lider di MEP, 1985-2011

Desde 31 di december 1985 Nel como e man drechi di Libertador Betico Croes a bira lider interino di MEP y dia 8 di maart 1987 el a ser eligi unanimamente como lider di nos partido, den cual puesto el a ser re-eligi na 1991, 1995, 2000 y 2005. Den e periodo di 1986-1989 Nel a ocupa e funcion di lider di fraccion den oposicion. Den e prome eleccion despues di entrada di Status Aparte, partido MEP bao di liderazgo di Nel Oduber a logra 10 asiento na 1989, unda cu pa 24 voto mas MEP lo a logra 11 asiento. Den e eleccionnan cu a sigui partido MEP nunca a yega di baha bao di 8 asiento, locual ta un logro hopi grandi pasobra tur partido na Antiyas y Aruba di cual nan lider fundador a fayece a bay atras den voto y hopi di nan te hasta a caba na nada.

Den e eleccion di dia 28 di september 2001 Nel a demostra pakico e ta un gran lider. Den e eleccion aki Nel a pone 4 logro historico riba su nomber, esta 1) Nel a sali vote getter no.1 di nos pais, 2) Como lider Nel a guia MEP na na un victoria aplastante di 12 asiento, 3) MEP ta e unico partido den Reino cu pa prome biaha desde Status Aparte a saca mayoria absoluto den un eleccion como pais y 4) Nel tabata e candidato cu mas voto na un urna electoral, esta na Colegio Laura Wernet Paskel. Nel a ripiti e hazaña aki den e eleccion di 2005 caminda MEP a logra un mayoria absoluto di 11 asiento. Y durante e eleccion di 2009 partido MEP a logra 8 asiento y Nel a obtene e mayoria cantidad di votonan na final di su carera politico, esta 6320 voto. 

 

Nel como diputado, 1975-1985

Na aña 1975 Nel a bira Diputado di Teritorio Insular di Aruba y esaki pa tres periodo consecutivo te cu 1985. E tabata encarga cu Structura Estatal y Departamento di Asuntonan Legislativo y Constitucional. Alabes e tabata fundador di departamentonan nobo, e.o. Instituto pa Deporte, Educacion Fisico y Instituto di Cultura.

Como diputado el a ehecuta proyectonan importante pa nos pueblo, manera realisacion di nos Himno y Bandera na maart 1976, organisacion di Referendum consultativo na maart 1977 y implementacion di ortografia etimologico di nos Papiamento. Nel a percura pa funda Arubus N.V., Aruba Ports Authority N.V., proyecto di containerhaven, fondo di pensioen pa e trahadornan di haf, edificio di Biblioteca Nacional, edificio di Domeinbeheer, edificio di Artesania, Hotelvakschool Bushiri, oficinanan auxiliar di gobierno na Noord, Santa Cruz, Savaneta. Tambe bao di su maneho a percura pa e plan di infrastructura turistico esta “Plan Sasaki” ser traha cu a percura pa mas cu 100 ha. di tereno pa por construi facilidadnan turistico, unda a construi varios caretera nobo e.o. esun te na Malmok.

 

Tambe Nel tabata miembro di Eilandsraad (1979-1985), Miembro di Comision di Reino, Vice Presidente di Raads Commissie Onafhankelijkheid Aruba, Coordinador di e proyecto Status Aparte y responsabel pa e introduccion di nos propio Banco Central, nos propio florin Arubano, Constitucion di Aruba etc. Sin duda cu Nelson Oduber tabata instrumental den e logro di nos Status Aparte caminda el a lucha schouder cu schouder cu Betico Croes pa realisa e libertad di nos pueblo entrante 1 di januari 1986.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio