Diaranson atardi Záhyon Klabér a yega Aruba for di su ultimo trainings stage na Europa bou guia di Henk Meijer y su Psycholoog Henriët van der Molen. Nan ta parti di e team cu tin varios aña caba ta guia e team di “Train Hard Fight Smart”. Na Aruba Mario Maduro ta esun cu ta atende cu e parti di massage, stretching y coordinacion. Záhyon Klabér tin un team grandi su tras cu ta forma parti di su meta y cu ta kere den su desaroyo mirando e progreso cu e tin.
Záhyon Klabér a bisa cu su trainings stage na Europa a bay bon y a siña masha hopi mes y a train cu top atletanan di diferente parti di mundo. Mario Maduro ta bay atende cu Záhyon Klabér ariba algun sla cu el a ricibi durante sparring.
Den precencia di su famia na Aeropuerto Záhyon Klabér kende a cumpli 1 aña mas di bida a wordo ricibi. Cornel Djaoen di Tele Aruba y e team di Train Hard Fight Smart tambe a bay ricibi Záhyon Klabér. Awo training ta sigui unda cu ta preparando pa Costa Rica y despues ta sigui cu e plan di 2019/2020.