Home Police Despues di labamento di man, pelea a start na Madiki. Un persona...

Despues di labamento di man, pelea a start na Madiki. Un persona a wordo deteni

SHARE

Driemasterstraat – Diaranson atardi den careda di 6:30 p.m varios unidad mester a bay altura di Club Euphoria, situa na Madiki.

Informacionnan tawata drenta di un pelea formal. Na yegada di polisnan, nan a compronde cu ta dos homber lo a bringa.

Un di nan aparentemente un conoci di polis yama Dindin M.

Na e sitio polisnan a scucha ambos banda.

Ambulance tambe a presenta, y por a mira Paramediconan controlando un di e hombernan. Despues di e control polis a bay over na detene e tal Dindin M.

E problema a cuminsa despues di entiero di un persona conoci di e bario. Durante labamento di man algo a bay robes y problema a start.

Polis a conseha e otro partido pa pasa warda di recherche y haci un denuncia contra Dindin M.

Dindin a wordo transporta pa warda di polis.