Parlamentaria Jennifer Arends Reyes den un declaracion ta bisa di ta lamenta cu aña escolar a cera cu hopi inkietud y a habri cu hopi pregunta y desapunto. Un di e gruponan cu Parlamento a enfatisa y pidi pa reconsidera pa decentralisa nan y pa fortifica ta e Centro Multi Disciplinario cu practicamente gobierno a pluma completamente. Awor ta keda mayornan preocupa, maestronan y expertonan cu ta puntra nan mes si di berdad tin un plan concreto cu nan. Traimerdia a keda di resorta bou di Minister di Asuntonan Social caminda cu lo mester tawatin otro areglo. Den vacacion a ricibi un carta cu no por traspasa Traimerdia bou di otro Ministerio. Middag Mavo a keda manca y hobennan no por cuminsa e prome aña dus pronto no lo existi Middag Mavo mas. Airconan cu a ser priminti na scolnan a ripara cu otro scol a haya airco prome cu nan. Prisma project a ser kita di maestronan y e cherry riba e bolo tawata ora cu oficialmente a manda un carta pa corta den overuren di maestro, caminda tin un ‘bezuiniging’ pisa cu tumando lugar na scolnan.
E bezuiniging nan aki, banda cu maestronan a acepta cu no mag di pidi compensacion mas pa dia cu nan tawata malo den temporada di vacacion. Tambe a acepta e schema di vacacion escolar nobo. Ta di lamenta cu ta continua cu tur decision siendo cu Parlamento a pidi pa pone tur decision ‘on hold’ cu awe ta continua manera nada no a pasa. E maestronan a pidi pa mas siguridad na scol y despues no a tende mucho mas tocante siguridad na trabou. Tambe no a plania bon pa cual scol lo mester bay na unda y pa percura pa e facilidadnan ta cla.
Ta hopi ta pasando den mundo di Enseñansa y ta spera cu di berdad por duna esnan cu ta traha na beneficio di nos muchanan oido y balor cu nan merece. Maestronan lo traha na beneficio di nos muchanan y inverti hopi di nan salario pa crea un ambiente ameno pa yama e muchanan bon bini. Un palabra di exito, animo y hopi forsa pa continua na vocifera nan preocupacionnan den e aña escolar nobo aki, sra Arends-Reyes ta termina bisando.