Home » Dama a Joyride Taxi for di Marina Tower, algun minuut despues ela wordo deteni

Dama a Joyride Taxi for di Marina Tower, algun minuut despues ela wordo deteni

by Admin
0 comment 58 views

Oranjestad – Diaranson mainta den careda di 10’or alarma a wordo bati pa un persona cu lo a horta un Taxi Suzuki Vitara TX-23.

Esaki lo a tuma luga na Marina Tower. Un Taxista a yega a para su vehiculo y a bay paden haci algo. Algun rato cu e ta paden un dama hoben a habri porta y subi na stuur. Despues ela ranca bay cu e auto direccion pariba.

Pa suerte un empleado di Departamento Publico a bay su tras, mientra polisnan tawata bayendo e direccion.

E Taxi a tuma direccion parti paden di Airport. Eynan ta unda ela wordo blokia door di e autoridad y baha for di e auto.

Esaki no a bay trankil, debi cu e dama a resisti.

Asina mes agentenan a logra domine y pone den boei.

E Taxista a wordo avisa pa e bin busca su Taxi, tambe polisnan a splike pa e ta poco mas cauteloso di baha y laga e Taxi habri y cu jabi den dje. E auto no a sufri niun daño y e placa den dje tambe tawata completo.

Pa loke ta e dama hoben no ta conoci si e por tawata bou influencia di algo of si e por ta sufri di un problema mental.

Na warda polisnan lo saca afo kiko pase.

Hopi rato elo no keda deteni y lo ta bek ariba caya “In no time”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio