Home » Brazil Taekwondo Stichting su T-Shirtnan pa e FOLLOW ME 6K Walk and Run ta cla. UN DIA CU AMBIENTE  SPECIAL PA TUR PARTICIPANTE.

Brazil Taekwondo Stichting su T-Shirtnan pa e FOLLOW ME 6K Walk and Run ta cla. UN DIA CU AMBIENTE  SPECIAL PA TUR PARTICIPANTE.

by Admin
0 comment 46 views

Dia 16 di Augustus ta bay bira un dia special pa tur participante. Un atardi den Centro di Bario Brazil for di 4’or di atardi te cu 10’or di anochi den un ambiente unico durante di registracion y entregamento di e Dryfit T-Shirt. Algo unico aki na Aruba unda cu riba e dia aki e participante ta ricibi su number Bib geprint den 10 seconde riba su Shirt. Nada di preke of number di papel cu ta kita of stroba.

Brazil Taekwondo Stichting ta bay brinda nos participantenan un servicio unico adicional, unda cu tur esnan cu ta desea pa pone nan nomber of di nan grupo lo ta posibel durante e registracion cu lo costa solamente 10 florin extra.

Riba e potretnan por mira con e T-Shirtnan a wordo traha.

Pa esnan cu no a registra ainda na IBISA por haci esaki na Centro di Bario Brazil dia 16 di augustus for di 4’or di atardi.

Y prepara pa e dia grandi dia 25 di Augustus pa e FOLLOW ME 6K, cu hopi premio den diferente categoria.

Tin premio pa diferente categoria:

  1. Top 3, Grupo di 6, den coremento.
  2. Top 3, Grupo di 6, den canamento.
  3. Top 3, Grupo di 6, di Empresa/Compania
  4. Top 3 grupo di 6, all women.
  5. Un Grupo di 6, cu mas edad. (Lo conta total edad di tur participante).
  6. Un Grupo di 6, mas hoben. (Lo conta total edad di tur participante).
  7. Un premio special pa e grupo di mas grandi. (Esaki si ta mas cu 6 participante).
  8. Prome Grupo di 6 di scol.

Participantenan individual:

  1. Prome coredo femenino cu yega e top di Palisiaweg.
  2. Prome coredo masculino cu yega e top di Palisiaweg.
  3. Top 5 coredo femenino individual cu crusa e finish line.
  4. Top 5 coredo masculino individual cu crusa e finish line.
  5. Top 5 canado femenino individual cu crusa e finish line.
  6. Top 5 canado masculino individual cu crusa e finish line.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio