J.E. Irausquin Blvd – Dialuna atardi polisnan a bay na e Bushalte altura di Alhambra, eynan lo tawata tin un homber herida sinta abou.
Na yegada di polis a resulta cu ta e mesun Chito D cu alguna rato prome a wordo seriamente herida na su cabes cu un baranca. Ela wordo treci Eerste Hulp pa haya tratamento debi cu e tawata baña na sanger.
Na Hospital a constata cu ela ricibi dos kap, cu a sangra masha hopi mes. Pero, na Hospital Chito D lo mester a mustra su AZV card.
Chito dado momento no tawata kier a keda pa tratamento y sali bay sin wordo trata segun nos a compronde.
Na e Bushalte agentenan a papia cune y trata na convence cu ta pa su mesun bon e haya tratamento. Pero Chito D no kier a coopera.
Su pareha a presenta cu su carchi di AZV y paña limpi debi cu e otro tawata sushi na sanger.
Despues di basta papiamento elo a cuminsa pensa “normal”, cu ta pa su mesun bon e bay Hospital pa haya tratamento pa su heridanan.