Home Police Caminda muha: Lexus a perde control ariba Sasaki

Caminda muha: Lexus a perde control ariba Sasaki

SHARE

Sasaki – Diamars merdia pa mas o menos 12:45 p.m informacionnan a drenta na 911 di un accidente di auto serio ariba Sasaki.

Mesora polis y tambe ambulance a sali direccion Sasaki e parti banda pariba, o sea esun cu ta bay nort.

Memey di caminda entre e matanan nan a bin topa un Lexus.

Algun minuut prome awa a yobe basta duro, y posiblemente door di e caminda muha e chauffeur lo a perde control y kita bay na su man robes.

Esaki a causa cu e vehiculo a bay dal contra un mata di Kwihi memey caminda.

Paramediconan cu a yega a controla e chauffeur, pero tur cos tawata ok cune. E vehiculo si a sufri daño material grandi.