Container na candela ariba parkeer plaats di Alhambra

Alhambra Mall – Diabierna atardi pa mas o menos 7’or polis y brandweer a bay ariba e parkeer plaats di Alhambra.

E situacion tawata cu un container pabou di e Food Court di e mall tawata saca huma. Esnan cu ta traha na e sitio tawata preocupa debi cu cerca unda e container ta tin un tanki di gas.

Polis a tene hendenan leu pa Brandweer por a spuit e container y paga e candela. Daño material tawata minimo.