Home International Sr Rene Lauffer, anterior presidente-direktor di OTB ta uni forsa ku NKBB...

Sr Rene Lauffer, anterior presidente-direktor di OTB ta uni forsa ku NKBB pa lucha kontra inhustisia I violashon di derechonan fundamental di e pueblo Boneriano

SHARE

Nos Ke  Boneiru Bek pa motibu di eskalashon di deskriminashon I falta di respet di e imigrantenan Hulandes nobo pa ku e humilde Bonerianonan, resientemente a lansa un kampanja di informashon I konsientisashon pa proteha Bonaire ku ta un nashon ku nos mes kultura, idioma, identidat I nos mes manera di bida.  

 

Un di nos metanan prinsipal ku e kampanja aki ta pa ekspone I revela kasonan di inhustisia kontra e pueblo di Bonaire, komete pa individualnan, organisashonan, e gobierno lokal I esun Hulandes I nan institushonan gobernamental pa medio di akshonan, maneho, leynan  deskriminatorio I korupshon gobernamental ku ta violando e derechonan fundamental sivil, ekonomiko, sosial, politiko I kultural di nos pueblo.

 

Den nos lucha pa konsientisashon pa medio di publikashon di informashonan faktual riba violashonan di derechonan ariba menshona, NKBB a wordu aserka pa Sr Rene Lauufer, anterior presidente-direktor di Oil Trading Bonaire (OTB), ku resientemente a denunsia I ekspone  e skandal di korupshon-gobernamental den e sektor energetiko. Sr Lauffer ta rekonose NKBB su esfuersonan pa proteha derechonan di e pueblo Boneriano I a ofrese su mes komo boluntario pa komparti den nos serinan pa ku e kampanja, ku informashonan valioso I faktual basa riba su eksperiensa I ekpertiso den e sektor  sosio-ekonomiko importante aki.

 

Sr Lauffer:

  • e esenario ta prepara I ta bastante kla ku e maneho Hulandes huntu ku e gobierno lokal ta dirigi pa elemina Oil Trading Bonaire
  • e konsekuensianan di esaki lo resulta den otro perdida mayor di posibilidatnan I entradanan potensial annual pa nos gobierno lokal ku lo suma te ku dos (2) te tres (3) biaha mas tantu ku e “vrije uitkering”
  • un otro risiko ekonomiko mayor ta ku e suministro strategiko I garantisa di fuel nunka lo bira meskos , igual manera na Hulanda den Oropa. Pero loke kasi tur Boneriano, spesialmente e mayoria di e pueblo ku ta biba bou di e linja di pobresa, ta eksperensiando un kontinou subida di tur prijsnan pa e konsumido ku ta relata ku fuel, pues nos ekonomia I kuminda I spesialmente  tarifanan di WEB.
  • dor di eliminashon di OTB e pueblo Boneriano lo perde e posibilidat di alivio o bahamento I kuentanan redusi mensual di WEB ta na montante di shen dolar ($100) te ku shen-i-sinkuenta dolar($150) 

 

Sr Lauffer a vocifera ku e ta sintie obliga pa sigui yuda ku konsietisashon den serinan benidero di informashon pa motibu di su “amor pa Bonaire I su pueblo” I ku e “manera aserlera di desaroyonan no ta den interes di Bonaire I su pueblo”, apesar ku e no ta un “whistle-blower”, pero esaki e gobierno lokal su skandal di korupshon a konbirtie den, ku su futuro riba Bonaire ta minimalisa. Sr Lauffer sin embargo ta kompremete su mes pa laga atras informashonan balioso pa e futuro generashon-nan.

 

James Finies, Nos Ke Boneiru Bek Mr Rene Lauffer, former president-director Oil Trading Bonaire