Oranjestad – Aruba
Un biaha mas Cuerpo Policial a detene un persona, relaciona cu e huida di e preso Minguel Schneiders. E biaha ta usa e mes un idea cu e persona aki lo ta “esun” cu a yuda Schneiders huy for di warda di polis casi 1 luna pasa. Segun nos a compronde lo ta trata di ruman muhe di Minguel.
Diabierna mainta 8:39 Cuerpo Policial a informa lo siguiente:
“Diahuebs anochi team di recherche di Santa Cruz enconexion cu huida di di e fugitivo:
Erick Arturo Minguel Junior SCHNEIDERS, roepnaam “Miguel”,
geboren op Aruba 29 december 1994, a detene e dama inicialnan E.J.R. K 23 aña pa articulo 2:146 di nos codigo penal. Articulo 2:146 ta papia di esun cu libera of juda na liberacion di un persona cu tin un castigo di prison ta castigabel cu maximo 4 aña di prison.
E team di recherche tin bon indicacionan cu e fugitivo ta na Aruba ainda.
Pa es motibo ta urgi pueblo di Aruba cu si bo por algo di su paradera of e sitio cu e ta scondiendo jama nos tiplijn 11141. Bo anonimidad ta wordo garantisa”.
Loke nos no a scucha ningun dia desde cu e preso a huy, si a tene un investigacion completo bou e personal cu a traha e diadomingo atardi cu Schneiders a desaparce. Segun nos, eynan ta e prome caminda cu lo mester a investiga.
E warda di polis tin tres porta di hero pa habri prome cu bo por sali, di unda e compleho di celnan ta ubica. Tur ta cu candal, y ta solamente agentenan policial y personal di CEA tin e yabinan aki.