Candela a kima cuarto y auto na San Nicolas

Nijhofstraat – Diahuebs anochi algo prome cu 9’or p.m habitante den area di Essoville a tende manera un explosion.

Den e parti mas halto por a mira cu tin candela. Esaki tawata bin for di direccion di Nijhofstraat.

Na prome instante a pensa cu ta un cas tawata na candela.

Mientrastanto polis y Brandweer tawata yegando e adres. No tawata tin cas na candela, pero si patras di e cas un cuarto a pega candela.

E candela a expande lihe, causando cu un pick up a kima por completo.

Brandweer na e sitio a sa di domina e candela basta lihe.

Causa di e candela ta desconoci pa nos. Ningun persona a resulta herida door di e candela.