Home International Polisnan a mara un detenido cu un cabuya y mientras e polisnan...

Polisnan a mara un detenido cu un cabuya y mientras e polisnan tabata moviendo riba cabay, e homber mester a cana te warda di polis

SHARE

Galveston,Texas: Polis na Texas un biaha mas ta den lus negativo y a lanta hopi stof, despues cu dos agente policial na Galveston a detene un homber color scur, nan a bistie e boeinan na su man,nan no a pidi pa e wordo transporta cu auto, pero nan a dicidi di mar’e cu un cabuya y mientras nan tabata moviendo riba cabay, e agentenan a laga e detenido cana mara cu e cabuya te na e warda di polis.

Despues cu e imagennan aki a sali publica riba social media, ela causa hopi consternacion. Riba e potret por mira con e detenido color scur tabata mara cu un cabuya y mester a cana mientras e dos agentenan tabata sinta riba cabay, hopi politico ta papia di rasismo.

Loke a haci e situacion hopi mas pio ta, cu e sospechoso ta un homber di 43 aña, tin problema mental y ta pa algo hopi chikito ela keda deteni. E cuerpo policial di Galveston a pidi su disculpa pa e forma con e agentanan a atende cu e detenido aki y e vocero di polis a bisa cu esaki nunca mas lo bolbe pasa.