Siman pasa e makinaria di propaganda di Ot-Nar Oduber, consistiendo di su coordinadornan y algun ambtenaarnan, cu por cierto tin cu te hasta a lubida riba su bandera, y tambe fanaticonan ciego a traha full speed, pa CORONA e obra, pa purba di manipula pueblo riba henter e asunto di maneho di desperdicio. E manipulacion ta bin pareu cu mal informacion, cu ta wordo considera pa expertonan den comunicacion como informacion falso, cu ta igual cu e concepto tendencioso di “fake news”.
Esaki ta informacion fabrica deliberadamente y publica cu e intencion pa engaña y manipula otronan pa kere den cosnan falso of crea duda den echonan verificabel. Esaki ta exactamente loke cu Otmar Oduber como mandatario a bin ta haci deliberadamente “from day one” cu el a forma coalicion di POREDmep.
UPP a desbarata caba nan ponencia cu e WasteAway plant di Bouldin & Lawson no a funciona. Nos a mustra tambe, cu documentonan, riba e BOYCOT feroz cu a tuma lugar dor di gobierno AVPOR, unda Otmar hunto cu su “full blown partners in crime” di AVPOR ta esunnan culpabel cu e planta no por a sigui funciona. UPP a desbarata tambe e MAL INFORMACION y GAÑAMENTO di Otmar Oduber di cu e proyecto di B&L a costa pueblo 30 miyon DOLLARS. Nos a mustra, documenta, cu ta 28 miyon FLORIN esaki a costa.
Den e articulo aki nos lo bai mustra cu e “SPROOKJE ” di “Waste to Energy” for di un principio tabata e vision y soño di Ot-Nar y su gabinete POREDmep.
UPP a mustra caba algun siman atras, cu tanto den e programa di POR, como den e programa di e gobierno POREDmep tabata bisto kico ta e intencion di Otmar Oduber, contrario na loke e y su gang di “spindoctors” ta pretende cu lo ta e stakeholders y 27 companianan lo a sugeri esaki.
Pa colmo e titulo di e RFI: “Project: Solid Waste Thermal Treatment for Energy Recovery”
ta indica hopi cla kico gobierno kier. Pues un facilidad cu pa por medio di un sorto di calentamento di e sushi, genera energia!! Pues “WASTE TO ENERGY” nada mas y nada menos. Pesey Otmar Oduber no mester haci cos di un sofista dor di bin purba bira cos, pa purba di bisa otro cos.
Mas leu den e mesun documento ta bolbe bisa kico ta e vision (pagina 8 di e documento entorno e RFI ) – Quote: “The government of Aruba is working to indentify pathways towards a longterm solution for Aruba’s waste management. In order to do this, the government has a three-track approach;
1. A new solid waste THERMAL TREATMENT FACILITY FOR ENERGY RECOVERY! (Hoofdletters ta di UPP)
2. ..(etc)..!”
Pues aki un biaha mas gabinete Ot-Nar di POREDmep ta enfatisa cu ta un WASTE TO ENERGY ta loke nan ta pidi den e RFI. Mas leu riba pagina 11 di e documento entorno e RFI, gobierno ta “narrow down” e “scope” mas ainda. Aki algun tecnologia ta wordo te hasta exclui tambe!!!
Nos ta quote: “In the envisaged situation, materials recovery by means of a seperation process is intended for the production of recyclable materials. Refuse Derived Fuel(RDF) resulting from the waste separation process is to be used in a THERMO-CHEMICAL WASTE-TO-ENERGY conversion process that entails a direct combustion process or a gasification process to produce combustible gas. An effective and efficient combination of these technologies may also be presented. An environmentally sound solution is needed for waste that is neither recyclable nor combustible. BIO-CHEMICAL CONVERSION TECHNIQUES SUCH AS FUEL AND/OR COMPOST RECOVERY BY ANAEROBIC DIGESTION OR AEROBIC BIOCONVERSION COMPOSTING ARE NOT PART OF THE SCOPE.”!!!(hoofdletters ta di UPP)
Con Otmar y su “expertonan” kier bin pretende cu ta e 27 companianan a sugeri e Waste to Energy? Y cu lo NO ta e escohencia di gobierno? Of nos comprondemento di ingles ta otro?? Of ta un manipulacion di otro mundo tin atrobe???
Asina UPP por sigui quote varios partinan di e documento cu a ser usa pa e RFI, na unda Gabinete Ot-Nar ta papia cu palabranan hopi cla cu ta un WASTE TO ENERGY FACILITY ta nan deseo y vision. Nos kier a mustra riba paginanan 8, 9, 10,11,12,18, 22 y vooral e preguntanan 15 y 19 te cu 28 riba pagina 22 di dicho documento.
Asina aki companianan cu kizas tin un otro solucion cu NO ta “W2E”, lo NO perde nan tempo ni placa pa reacciona riba e SPROOKJE di gabinete Ot-Nar!! Y mirando e tantismo incertidumbre y falta di transparencia ningun compania serio y drechi lo participa den e fake-bidding aki of mas bien den e fix-bidding aki.
Un otro aspecto hopi peculiar ta e hecho cu kier hinca Aruba y su pueblo cu un proyecto fantasma di 300 MIYON DOLLAR pa un W2E, siendo cu Aruba NO tin un problema di energia.
Den mesun documento cu e minister hunto cu su “expertonan” ta zwaai cune, riba pagina 19 ta para cu Aruba mester 135 MW y na WEB tin diferente instalacionnan cu por produci 280 MW. Cu otro palabra e focus di gabinete Ot-Nar ta ENERGIA, siendo cu esey NO mester ta e focus. E pregunta ta e ora DICON?? Ta un otro sponsor mester ser complace? Atrobe nos pueblo mester wordo hiba na e altar di sacrificio? E narcismo, locura y sofisma di Ot-Nar parce cu no tin limite.
E tipo di actitud aki ya caba tin nos pueblo den un cataclismo teribel. Nos por permiti esaki atrobe? TA NOS PUEBLO SO POR SALBA NOS PUEBLO!! PERO TE KI DIA, MI SEÑOR!!