Home International Homber tabata live stream riba Facebook, mustrando con e tabata maltratando un...

Homber tabata live stream riba Facebook, mustrando con e tabata maltratando un mucha homber di 8 aña a

SHARE

Autoridad ta detene un homber relaciona cu maltrato di un mucha homber chikito di 8 aña y tabata livestream via Facebook con e tabata maltrata e criatura.

Leiden, Hulanda: Diasabra den oranan di anochi pa manece Diadomingo, varios persona preocupa a bati alarma, e yamadanan aki a drenta for di diferente parti di Hulanda.

E personanan tabata informando polis cu un homber a livestream riba Facebook con e tabata maltratando un mucha homber chikito.

Mesora autoridad a inicia cu un investigacion, e team di polis digitale opsporing, a base di algun suheto cu por a mira riba e livestream, por a logra haya e adres unda e maltrato tabata tumando lugar, pa ser exacto esaki a tuma lugar den e Centro di e cuidad Leiden.

Mesora a polis a bay na e adres aki, tabata trata di un homber di 27 aña cu no tin un lugar di biba y pesey e tabata kedando na e adres aki na Leiden.

Na yegada enberdad nan a topa cu e homber y mesora a bay over pa detene, tambe den e cas nan a bin topa cu e victima kende ta un mucha homber di 8 aña. E mucha ta famia di e sospechoso.

E criatura a wordo controla pa personal di ambulance, pero no tabata necesario pa e wordo transporta pa hospital.

E victima ta hayando ayudo medico profesional, mientras e sospechoso ta encarcela.