Home International Cinco dama venezolano a wordo expulsa for di Peru, despues di a...

Cinco dama venezolano a wordo expulsa for di Peru, despues di a fingi di ta na estado, pa por haya permiso pa drenta Peru

SHARE

Cuater dama venezolano a keda expulsa for di Peru despues di a wordo acusa di a trata na drenta Peru ilicitamente, esaki Superintendencia Nacional de Migraciones a duna di conoce

E damanan a wordo aresta na e Centro Binacional de Atencionn en Frontera (CEBAF), algun dia pasa.

Aparentmente e damanan aki a ricibi urina di un otro dama na estado pa asina usa esaki como prueba falso cu nan lo ta na estado y asina burla di e proceso imigratorio di e pais, personanan na estado nan ta stempel nan tarjeta Andina sin cu nan mester un visa humanitaria, cu Peru ta exigiendo di e Venezolanonan.

E damanan deteni a wordo translada pa un lugar hopi leu di e frontera cu Ecuador y deporta for di Peru y cu pa 15 aña nan no por drenta Peru.

E cuater damanan aki a admiti cu nan a paga 10 dollar cada un pa por a obtene un prueba di ta na estado, esaki tambe a sosode weekend pasa cu un otro dama Venezolano di 19 aña.

Di e forma aki nan kier a burla di e reglanan y pa pretende di ta na estado y drenta e pais como persona personanan den un situacion vunerabel y asina wordo exonera di e visa Humanitario den e pasport cu desde 15 di Juni, Peru ta exigi di e Venezolanonan pa por drenta e pais.  Si no a cay riba e esaki, nan lo a drenta e pais cu solamente nan cedula di identidad.