Home » Bula jump park a habri su portanan cu mas di 25 Dino Jump, pool y hopi mas

Bula jump park a habri su portanan cu mas di 25 Dino Jump, pool y hopi mas

by Admin
0 comment 105 views

Muchanan ta ferfela na cas, no tin nada di haci na cas durante dia, awel ata e solucion, mayornan, tanchi, omo, wela y welo, complace boso yiunan, boso sobrinonan, boso nietonan, cu un actividad hopi economico y cu sigur nan lo diberti masha hopi mes.

Ata e treat pa nos muchanan, net prome cu scol cuminsa, bishita e parke di atracion di Aruba pa un tempo limita. “Bula Jump Park” a habri su portanan pa nos muchanan por disfruta di un cantidad di Dino Jump, prome cu vakantie grandi yega na su fin.

Bula Jump Park ta situa riba e Harbour Arena y tin mas di 25 Dino Jump, tin Pool, tambe tin un Dino Jump cu un slide den awa di mas di trinta meter largo.

Na Bula Jump Park tin cotton candy, Popcorn y pintamento di cara y hopi mas. Un otro atracion pa nos muchanan ta e trein di bichi cu ta hiba bo riba un kareitje riba henter e area di Harbour Arena.

Prijs ta solamente 15 florin pa persona y tin aceso na tur wega, dus tur Dino Jump ta inclui y cuanto rato cu nos muchanan ta desea, sin cu mester paga un florin extra. Tin prijs special pa grupo di 20 persona bay ariba, nan ta paga solamente 10 florin pa persona.

E bar tambe ta bon surti, cu e juice saludable di momento, Juice Maaza, resfrescante tur momento di dia pa grandi y chikito.

Bula Jump Park ta habri for di 3’or di atardi pa 9’or di anochi y den weekend e ta habri for di 11’or di mainta pa 10’or di anochi, unda henter famia por ta hunto y diberti sin fin.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio