99
Tanki Flip/Hato: Diadomingo marduga, algo prome cu 1’or, presencia di Polis a wordo pidi, un poco pabou di e rotonde Tanki Flip, riba e caminda di Tanki Flip pa Hato, pa motibo cu un auto lo a cay den e greppel. Mesora un patruya di Noord a bay na e sitio.
Na yegada nan a topa enberdad cu un Hyundai i-10 shinishi V-Car di banda den e greppel. E chauffeur kende ta un turista a splica polis cu ela bay haci un U-turn, na e momento ey, e no tabata sa cu tin un greppel canto di caminda y a cay parcialmente den dje.
E auto no a cay completamente den e greppel pero mas bien a keda pega den e banda di e greppel, niun hende a resulta herida tampoco y no tabata tin hopi daño material.