Hooiberg – Diasabra atardi pasa di 6’or a sosode un accidente entre brommer cu auto na e crusada pariba di Well Well na Hooiberg.
Pa suerte un patruya di trafico tawata pasando, paso e manehador di e brommer lo tawata kier a dal e chauffeur di e auto. E chauffeur tawata un dama.
Mientrastanto a pidi mas patruya na e sitio pa evita algo mas grandi.
Loke a sosode tawata cu e brommer bayendo direccion pariba mescos cu e auto, a bay pasa e auto debi cu esaki a slow down.
Loke e no a spera tawata cu e auto a slowdown pa e bira na su man robes. Parse e auto no a pone señal.
E brommer na su turno cu a pensa cu e auto tawata coriendo slow a bay pasa y a haya e sorpresa cu e auto a cuminsa lora. Door di esaki e brommer cu dos ocupante ariba a dal contra e auto, heridando nan curpa.
Esaki a causa cu e motociclista a rabia y mesora a bay na e auto cu e intencion di dal e chauffeur. Manera nos a bisa anteriormente, net un patruya tawata pasando y a interveni evitando un posibel maltrato.
A pidi ambulance pa trata e dos personanan cu tawata ariba e brommer. Paramediconan a trata ambos herido na e sitio.
Por mira cu ambos partido a comete un error, debi cu uno e auto no a pone señal y e motociclista mester a pone atencion cu e auto a slowdown ariba e crusada cu e intencion di bira.