112
Mahuma: Diasabra algo pasa di 1’or di marduga presencia di polis a wordo pidi cu hopi urgencia na e rotonde di Mahuma, pa un auto cu a bolter, mesora varios unidad di polis a sali bay direccion di e rotonde di Mahuma.
Na yegada enberdad nan ta topa cu un Nissan gebolter, e chauffeur a logra sali for di e auto y tabata sinta ta warda polis. E chauffeur tabata levemente herida, polis a pidi pa presencia di ambulance pa haci un checkeo medico cu e chauffeur, tambe a pidi pa presencia di un takelwagen pa bolter e auto bek riba su 4 wielnan y hale for di riba caminda.