Home » Un team di G4N a scoge pa yuda fundacion Arubela y Aruba Bank cu donacion special na Mary Joan Foundation

Un team di G4N a scoge pa yuda fundacion Arubela y Aruba Bank cu donacion special na Mary Joan Foundation

by Admin
0 comment 109 views

 

 

 

ORANJESTAD, Aruba – Un team di Good4Neighborhood 2019, esta Arubela, cu ta consisti di 5 studiante, Nakulraj Dindyal, Tara Richardson, Milyandra Bareño, Nayelhi Maduro y Alexander Gamez a haci un donacion na Mary Joan Foundation. E team a bin cu e nomber di compania Arubela cu ta traha belanan di diferente holor y color.

 

Diasabra Arubela a bende nan producto na Plaza Daniel Leo durante evento final di Good4theNeighborhood- Building Entrepreneurs y un parti di e placa di benta, a haci un donacion na Mary Joan Foundation, un fundacion cu ta traha na bienestar di conscientisacion di cancer di pecho. E fundacion no ta solamente yuda e pashent, pero tambe ta yuda e famia pa sa mas kico tur mester haci ora di cancer di pecho.

 

Arubela a haci un bunita donacion pa asina Mary Joan Foundation por sigui cu nan trabou di conscientisacion. Di su banda Aruba Bank, e banco cu ta carga nomber di nos isla, a dicidi di match e suma cu Arubela a colecta mustrando asina aki nan sosten na e team di Arubela y e fundacion.

 

Aruba Bank semper ta percura pa duna bek na comunidad. Roxanne Croes di Aruba Bank, “Nos ta orguyoso di e hobennan di Arubela cu a tuma e iniciativa pa duna bek na un fundacion cu semper mester di sosten pa sigui conscientisa nos comunidad”.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio