Home » Minister di Cultura  sra. Ruiz-Maduro:  Sr. Pancho Geerman lo fungi como director interino di  Museo Arkeologico 

Minister di Cultura  sra. Ruiz-Maduro:  Sr. Pancho Geerman lo fungi como director interino di  Museo Arkeologico 

by Admin
0 comment 132 views

 

 

Oranjestad – Minister Ruiz-Maduro ta informa cu a nombra sr. mr. drs. Francisco Geerman, mihor conoci como Pancho Geerman como director interino na Museo Arkeologico Nacional di Aruba (MANA) pa e periodo di un aña, entrante prome di augustus 2019.

Sr. Geerman a haya como tarea principal pa organisa e trabounan y haci e contactonan pa asina nos Museo Arkeologico por habri bek pa publico. Tambe e tin na su encargo e tarea pa re-forsa e organisacion y prepara e independisacion di Museo Arkeologico pa transforma esaki den un fundacion. 

Sr. Geerman ta un profesional riba tereno di maneho y judicial y ta conoci na Aruba tanto den e sector di enseñansa como den e sector cultural. E mandatario ta convenci cu e experiencia amplio di Sr. Geerman y su conocemento riba varios tereno, lo e ta di gran aporte pa e trabounan cu tin cu wordo realisa.

Minister Ruiz-Maduro ta desea Sr. Geerman hopi exito cu e reto nobo aki y ta spera cu pronto Museo Arkeologico por habri su portanan bek pa educacion di nos hobennan y exposicion di nos historia na Pueblo en general y nos bishitantenan en particular. Asina cu Museo Arkeologico ta cla pa nan re-apertura lo anuncia esaki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio