Na Panama un homber(69) di nacionalidad hulandes a wordo cruelmente asesina den e sala di su cas.
Colon, Panama: Dialuna pa Diamars mainta, e homber hulandes Rene Pul, tabata den su cas, na momento cu ela wordo asalta y asesina. E malechornan a bay cu su placa y tambe cu su auto.
No por confirma si ela wordo hinka of tira cu arma di candela, e asesinonan despues di a asesin’e a bandona e sitio cu placa y cu e auto di e victima. E caso ta bou investigacion, pero te na e momentonan aki no a haci niun detencion.
Ministerio Publico local ta haciendo e investigacionnan necesario, segun un matutino local e victima a wordo herida cu un arma di candela. Ela wordo haya diamars 8’or y mey di mainta sin bida den su cas. E defunto tabata biba den un area hopi conoci como Isla Verde, den e sector del Lago Alajuela, den e area di Nuevo San Juan den e provincia Colon.