Jansen y Mama di fugitivo ambos ta bek den libertad, nan no lo tabata tin nada di haber cu e huymento di Miguel Schneiders.
Oranjestad: Diaranson den oranan di atardi N.K. mama di e fugitivo Schneiders a recobra su libertad y ta bek su cu su famia na cas, esaki a sosode despues di a presenta Hues Comisario. Segun nos a compronde cu Jansen a recobra su libertad diamars durante dia caba. Muy probablemente despues di interogacion, autoridad lo a bin compronde cu ambos detenido no lo tin nada di haber cu e huymento di Schneiders.
Dialuna recherche a detene e dos personanan aki, cu segun nan cu lo a yuda libera Schneiders, tabata ta trata di e mama di Schneiders y un otro persona di fam Jansen. Recherche a yama e mama Dialuna durante dia pa pasa na warda di polis pa papia cune y despues a dicidi di detene e mama, pa motibo cu nan lo tabata sospecha cu den un forma of otro e mama lo a yuda su yiu huy, pero e mama y e otro persona hopi liher a wordo poni bek den libertad y no lo ta complice di Miguel Schneiders.
Esaki ta mustra cu un biaha mas autoridad ta bek na zero.