Home Lifestyle Crash Test Dummies Cycling Team cu un bunita gesto pa Fundacion Contra...

Crash Test Dummies Cycling Team cu un bunita gesto pa Fundacion Contra Cancer di Prostaat.

SHARE

 

 

Diahuebs ultimo na Roadside Café, Crash Test Dummies Cycling Team a haci entrega di un donacion na Fundacion Contra Cancer di Prostaat.

Crash Test Dummies Cycling Team ta un grupo di amigo ciclista cu a uni hunto pa un bon causa. Na aña 2014 Crash Test Dummies Cycling Team a wordo funda cu e meta di yuda promove instancianan social den nos comunidad door di representa e instancianan den e deporte di ciclismo.

Awendia  por bisa cu nan tin e honor di por representa Fundacion Contra Cancer di Prostaat.

Fundacion Contra Cancer di Prostaat  ta un organisacion cu tey pa concientisa y kibra e miedo cu tin na Aruba pa loke ta Cancer di Prostaat. Fundacion Contra Cancer di Prostaat  ta recomenda tur hende homber den nos comunidad pa haci e test nan di PSA regularmente y busca tratamento pa malesa relata na prostaat y cancer di prostaat. Nan tey pa un y tur cu kier mas informacion of cu kier papia tocante cancer di prostaat.

Crash Test Dummies Cycling team kier duna un danki special na Caribbean Mercantile Bank y Roadside Café pa nan confiansa y  ta contento di por contribui na yuda traha mas material pa concientisa comunidad di Aruba tocante cancer di prostaat.