ORANJESTAD, Aruba – 22 di Juli 2019: Benedicta “Tica” Gei ta cliente di EcoTech desde aña 2007 y ta contento cu nan servicio. Prome cu e truck di EcoTech pasa recoge desperdicio na su cas, e ta percura pa prepara tur cos, pasobra e sa cu nan ta masha puntual. Ora cu e bari ta yen, Tica Gei mes sa yama nan, hasta riba dianan di fiesta. Mesora nan ta manda un truck cu ta cerca pa recoge e sushi aunke cu e no ta riba e dia stipula.
Loke a motiva Tica Gei pa cambia tabata pa motibo cu tur mainta e tabata lanta y haya su bari benta abou. E tabata haya tur sushi plama. E bestianan cu ta pasa anochi manera cabrito, porco, e tempo ey tabatin burico ta cana rond y nan tabata bolter e bari. El a cansa di esaki y no kier a sigui lanta extra trempan, djis pa piki sushi cu bestianan a pasa benta abou.
Ta ora pa cambia pa EcoTech
Tica Gei ta recomenda tur hende pa cambia pa EcoTech. E no ta worry pa paga extra pa nan bin recoge e sushi, pasobra e no mester lanta extra trempan mainta pa piki sushi rond di su cas. No solamente e ta yama EcoTech pa piki e sushi, pero tambe p’e servicio di chica pos. E ta yama nan y EcoTech ta haci tur su esfuerso pa complace.
Ley: Tur hende mester paga entrante 1 di maart
Manera conoci, desde 1 maart 2019, Gobierno di Aruba a cuminsa cobra oficialmente pa recogemento y maneho di desperdicio na Aruba. Cumpliendo cu ley di maneho di desperdicio, tur cliente residencial y comercial di Ecotech ta contribui directamente na e tarea di mantene nos pais limpi.
Tarifa di EcoTech
E tarifa di Ecotech ta consisti di dos parti: un tarifa di servicio di recohemento di desperdicio cual ta Afl. 23.10 y un tarifa di procesamento di desperdicio, asina yama ‘Tipping Fee’ determina pa Gobierno cu ta un suma di Afl. 5.00 sumando un total di Afl. 28.10 pa luna pa servicionan di Ecotech. Pues, cu e ‘Tipping Fee’ aki, EcoTech semper a contribui y lo sigui contribui den procesamento di desperdicio y mantencion di limpiesa publico pa cual Serlimar ta encarga cune.
Ecotech ta e cliente mas grandi di Serlimar
Ecotech ta recoge mas cu 60% di tur desperdicio di Aruba, primordialmente di servicionan comercial y servicio duna na mas di 1.1 miyon turista pa aña y mas di 6.000 cas residencial. Esaki ta un contribucion na Serlimar di 3.8 miyon florin pa aña na ‘tipping fee’, deposita na e landfill di Sero Teishi, hunto cu Afl. 413,000.00 pa desperdicio deposita ainda na Parkietenbos.
Ecotech semper ta sigui innova y progresa
Manera semper, Ecotech ta sigui ofrece servicio di recogemento di desperdicio na pueblo, cumpliendo cu tur acuerdo y segun ley. Ecotech ta un compania di maneho di desperdicio cu ta kere den maneho sostenibel di desperdicio atrabes di Ecobails, e solucion ideal pa e tamaño y cantidad di sushi cu nos isla ta genera. Cultura di servicio y sostenibilidad di Ecotech ta data for di 1985 y ta transcende competencia poniendo importancia riba un Aruba limpi pa nos futuro generacionnan.
Awor ta negociando pa exporta e sushi procesa
No mas cu algun siman pasa, EcoTech y e compania ruman, EcoGas, a yega na un acuerdo, den forma di un MoU cu e compania Argos na Cartagena, na Colombia. E intencion ta pa sigui separa, recicla y procesa desperdicio. E material cu ta sali afo, esta e RDF, lo exporta pa Colombia, pa uza como combustibel den fornonan cu ta produci cement. Di e forma aki ningun sushi ta keda atras mas, ni resto di sas ora kima sushi y ni daño na nos medio ambiente tampoco.
E decision ta den Bo man
Sea cu bo ta scoge pa servicionan di recogemento di servicio di un compania estatal of compania priva manera Ecotech, atrabes di e ‘tipping fee’ obligatorio lo Bo sigui contribui na Serlimar y su tarea di mantene nos pais limpi. Yama EcoTech awe mes pa cualkier informacion na 582 4684 of pasa na un di nan puntonan di benta na ATCO Shaba, Dakota, Barcadera of San Nicolas. Subi www.ecotecharuba.com of sigui nan riba Facebook pa mas informacion. Por yama Mr. Bucket tambe riba 594 3757 pa Customer Service durante 24/7.
FIN