Home Sports WEGANAN INTERNACIONAL DI VOLLEYBALL USAAI TA GANA CBN 2-...

WEGANAN INTERNACIONAL DI VOLLEYBALL USAAI TA GANA CBN 2- 0

SHARE

SANTA CRUZ: Ariba Cancha di Centro Deportivo Betico Croes e encuentronan internacional di volleyball entre e Team di USAAI y ARUBA a finalisa unda Aruba a cay venci cu 2-0 contra USSAAI. Pa Aruba e Team di CBN Centro di Bario Noord a subi cancha y a sa di duna bon wega na na USAAI, pero no a logra gana e damasnan di USAAI. USAAI a gana 2-0 cu setnan 25-12 y 25-15. Cu e victoria aki e Team di USAAI a keda inivicto durante nan weganan di volleyball contra Aruba.

Na final Aruba Volleyball Association a gradici e Coach y e Atletanan di USAAI, tambe sr. Rensley Zijlstra cu ta e persona di contacto aki na Aruba pa a scohe Aruba como nan destinacion di vakantie pa 2019 y alabes pa haci un intercambio di volleyball cu e Teamnan di Volleyball di Aruba.

Pa medio di esaki Aruba Volleyball Association ta gradici tur Coach y Atletanan di e Teamnan di Aruba (VOLLEYBALL POSITIVO/VENUM/GAZELLES REUNITED/CBN) cu a participa aunke e temporada tawata un tiki dificil. Tambe palabranan di gratitud ta bay na tur e Referee-nan cu a dirigi e weganan. Y sin lubida e publico y fanaticadanan di volleyball cu a acudi na e weganan.