Home Local Julienne Schwengle: Prome cliente na The Movies @ Principal

Julienne Schwengle: Prome cliente na The Movies @ Principal

SHARE

ORANJESTAD, Aruba: E portanan di The Movies @ Principal na San Nicolas a habri diahuebs ultimo y hopi hende a yega pa cera conoci cune, pero tambe pa disfruta di e prome pelicula estrena cu tabata “The Lion King”. Tur presente tabata orguyoso cu San Nicolas tin un un cinema atrobe despues di mas cu dos decada.

Julienne Schwengle a bay The Movies cu su yiu muhe y nan tabata e prome nan cu a cumpra e prome combo y a ricibi e prome articulonan di promocion di “The Lion King”. E mes a bisa cu “E ta un sentimiento great. E no tabata e proposito”.

Schwengle ta sinti orguyoso cu por fin pariba di brug tin algo cu ta cerca di cas y no mester bay t’e pabou tur ora. Awo por pasa tempo di calidad cu yiunan y famia mas cerca di cas. E ta un progreso hopi positivo pa esunnan cu ta biba pariba di brug. Julienne Schwengle y tur esunnan cu tabata presente a ricibi T-shirtnan como regalo for di The Movies @ Principal.