Pedro Gallegostraat – Varios patruya a wordo manda cu urgencia den Pedro Gallegostraat, un caso di Hit and Run por a caba na un maltrato hopi serio.
Segun nos a e Jeep Wrangler color cora lo a bira den e caya menciona y debi cu e chauffeur lo ta bou influencia ela ranca un structura di hero. Esaki a pasa den un bocht.
Un otro persona den un Van a bay patras di Jeep y lo a blokia esaki un tiki mas pabou di unda e incidente a tuma luga.
Eynan a start un discusion fuerte, unda esnan den e Jeep lo a saca un pidi tubo pa e homber, y na su turno pa defende su mes ela saca un martiu.
Danki Dios na intervencion rapido di patruyanan a logra evita un problema serio.
Segun e grupo cu lo a pasa nan dia na lama, e homber lo a mishi cu un di e damanan y esaki no a cay den bon tera.
Mirando cu e chauffeur di e Jeep tawata coriendo auto bou influencia ela wordo deteni. E Jeep polis lo a keda di bay cune.