ORANJESTAD, Aruba – E di dos siman di Good4theNeighborhood 2019 (G4N) a termina y e participantenan a haya diferente informacion di entrepreneurship. Diferente orador tabata presente pa papia di nan experiencia y experticio di nan trabou. E hobennan a ricibi sesionnan di diferente topico cu tabata key resources, key partners, revenue streams y structura di costo.
Tambe tabata tin un session tocante “elevator pitch” caminda e hobennan a haña varios tips pa asina prepara nan mes pa nan presentacion. E presentacionnan duna tabata di Camara di Comercio, pero tambe a conta cu presencia di gruponan registra na Camara di Comercio. A splica e hobennan con pa traha un plan di budget y con pa maneha financia.
E hobennan tambe tabata interesa den e parti di “Loan Pitch”, cu nan mester a prepara pa nan presentacion. Dilanti un panel di hues cada grupo a duna un presentacion di “Loan Pitch” haciendo uzo di tur informacion cu nan a ricibi. Cada grupo a percura pa duna un bon presentacion p’e huesnan.
Pa por a realisa nan proyectonan, cada grupo a ricibi e fondonan necesario pa logra esaki. Aruba Bank ta orguyoso di por ta organisando e proyecto di Good4theNeighborhood, unda nan ta yuda hobennan siña diferente punto importante pa tin nan propio compania dia di mañan.