ORANJESTAD, Aruba – Pa e ultimo añanan aki Cuerpo Policial Aruba ta masha fiel na autonan marca Toyota. No solamente pa e periodo di “lease” pero tambe despues di esey, unda por mira claramente cu ainda e modelonan Toyota Prado ta asina hopi riba caminda. Polis sa cu nan por confia den e miho marca di auto na mundo ora cu ta trata di nan propio siguridad y esun di nos comunidad. Cu esey den mente, nan a caba di ricici tres modelo mas, pa amplia nan garashi di auto mas ainda.
Recientemente tres diferente departamento di e organisacion di Polis a busca tres diferente modelo nobo pa nan por mobilisa aden. Ta trata aki di un auto modelo RAV4 pa e departamento Forensico di Polis. A busca un pick-up Toyota Landcruiser pa e departamento Maritimo di Polis. Nan tin un caba y conoce e poder di e vehiculo, pues a opta pa amplia nan flota cu un pickup mas. Tambe a entrega 2 bus Toyota Coaster cu a bay pa por transporta e studiantenan pa Polis na e academia policial.
Frank Dennert, gerente di operacion na Garage Cordia Aruba a entrega e vehiculonan nobo aki na Cuerpo Policial Aruba, den presencia di representante di tur e tres departamentonan envolvi. Pa Garage Cordia Aruba, calidad den e autonan cu nan ta bende y e servicio personal y di 24/7 despues cu bende e auto, ta escencial. Nan ta contento cu Cuerpo Policial Aruba, un departamento di Gobierno cu tambe ta traha 24/7 ta consciente cu nan por depende riba nan amigonan na Garage Cordia, pa hopi aña caba.