Ya ta un luna caba cu fraccion di AVP ta pidiendo Minister di Infrastructura pa haya documentonan relaciona cu e destaho publico di un incinerator pero no ta ricibi ningun reaccion di e minister concerni.
Un gobierno y e minister aki cu tin nan boca yen di e palabra transparencia pero ora cu momento di berdad yega, ta priva Parlamento di informacionnan necesario y den e proceso aki tambe sconde informacion pa pueblo di Aruba.
“Ya fraccion di AVP tin un luna largo ta pidiendo informacion riba e proceso di destaho publico riba e incinerator cu mester bin na dump pa Serlimar pa asina por kima entre otro e sushinan cu ta Sali for dii e ‘upcicling’ cu ta Sali for di e awa sushi du DOW net cerca di Serlimar ey, caminda nos a denuncia cu nos tin informacionnan cu ta bayendo rond cu lo tin konkelmento tumando luga.
Lo tin un compania A cu lo a gana pero Minister a duna ordo cu ta compania B mester bay traha caminda e Minister pa medio di su Parlamentario a bin haci un show den parlamento,caminda a yama un ‘vragenuur.’
Tur esaki mientras cu nan sa bon bon cu den un vragenuur parlamentarionan no por haci nada, ya cu simplemente e minister ta bin y contesta preguntanan cu su parlamentario a haci.
E parlamentario en cuestion tin dos minuut pa haci preguntanan y e otro parlamentarionan tin un minuut pa haci pregunta, pues a traha un show pa mustra cu e minister tin un maneho transparente cual e lo uza den e caso cu e tin pendiente cu e politico Booshi Wever a inicia den un caso di LAR pa e haya e documentonan.
Cu e reunion aki e minister lo kier usa den e caso aki pero e tin un caso tambe cu e compania Johnson a cuminsa contra pais Aruba, ya cu Johnson tin un contract valido pa duna e servicio aki y tog Minister Oduber a bay pa un destaho publico pa busca un incinerator pa haci mesun trabou cu e compania aki ta haciendo caba.
Tur esaki pa e minister fix su sponsor ya cu ora nos mira e compania cu el a punta dede ariba esaki mester gana e destaho aki, ta su sponsor e ta y a mesun compania di Caribbean Trucking.
Por spera cu e minister lo bolbe bin insinua cu nos ta lastra nomber di bon hende pero esaki no ta e caso ya cu si e compania a participa den algo turbio, nos tin cu pone pueblo na altura di kico ta tumando luga.
Fraccion di AVP a manda pidi e documentonan aki pero Minister Oduber ta manda Parlamento un carta bisando cu e no por duna e documentonan pero nos tin un ley di LOBT caminda bon cla mi persona a manda bisa e minister aki cu basa riba e ‘Landsverordening Openbaarheid van Bestuur’ y su articulo 6 inciso 4, pa e manda e documentonan cu nos a pidi pa Parlamento.
Awe tur hende por mira cu e gobierno cu a priminti bon gobernacion, cu a priminti transparencia, cu a priminti tur cos, awe ta sconde documento.
E minister no kier manda e 61 documentonan aki pa Parlamento, pa asina Parlamento pasa den esaki y no den un vragenuur caminda e Minister a pone ter inzage di 61 documento cu tin mas cu 600 pagina y ta insisti pa Parlamento repasa esakinan den 6 minuut y haci pregunta.
Ken e Minister aki kier gaña pero si e minister aki a bay den un radio tour, pasa na tur radio pa trata d convence tur hende con transparente e ta y awe nos ta haya sa cu e no tin nada di transparencia pasobra e no kier duna parlamento e documentonan.
Awe e ta pretende di sconde tras di ‘Landsbelang’ pero e unico cos cu tin di Landsbelang, ta si e compania Johnson gana su caso den Corte, e pais aki ta bay paga un daño y perhuicio di mas di 2 miyon florin, pasobra gobierno a cera un contract, a haci un destaho publico pa duna un servicio cu ya tin un compania ta duna, pues tin cu bay paga e compania aki y mester bay paga esun cu a gana e destaho.
Nos kier bise di awor caba cu su persona lo tin cu bay paga e placa aki ya cu ta imposibel cu e minister ta hinca pueblo den gastonan innecesario.
Nos ta bay manda un carta bek pa e Minister ya cu e mester manda e documentonan aki pa Parlamento ya cu esaki ta un falta di respet flagrante pa gabinete Wever Croes, ya cu Prome Minister Evelyn Wever Croes tur dia ta yena su boca y ta papia di gabinete transparente, cu nan lo bay tin cu tur sorto di instancia pa garantisa bon gobernacion.
Awor cu nan ta haya oportunidad di step up to the plate y manda Parlamento cu ta esun cu mester controla gobierno, documentonan pa asina Parlamento por sa kico realmenta ta tumando luga, awe kier sconde tras di un caso den LAR pero mi Shon, ta un Parlamentario di pais Aruba a manda pidi documento y deber di e Minister ta di manda e documentonan aki pa asina Parlamento haya claridad den e asimtp aki,” lider di fraccion di AVP, sr Marlon Sneek a declara.